Wā ‘Akahi

Manauea
Ma Kai

‘O kāne iā Wai‘ololī, ‘o ka wahine iā Wai‘ololā
Hānau ka Manauea noho i kai
Kia‘i ‘ia e ka Kalo Manauea noho i uka
He pō uhe‘e i ka wawā
He nuku, he wai ka ‘ai a ka lā‘au
‘O ke Akua ke komo, ‘a‘oe komo kanaka

First Epic

Manauea
Seaside

Wai‘ololī the product of males, Wai‘ololā of females
The Manauea gives birth, it is found in the sea
Guarded by the Kalo Manauea in the uplands
The night becomes tumultuous
Ranting, plants are sustained by water
The Gods enter, man does not have access

Aia i Mokaulele he Pua Nani

He mau paukū mai ka nūpepa Ke Au ‘Oko‘a, Iulai 25, 1867

Aia i Mokaulele he pua nani,
E ho‘opulu ‘ia ana e ka hau lani,
‘A‘ohe mea like ma lalo o ka malu ‘ākōlea,
I ‘oi a‘e ma mua o Leilanohenohea,

‘A‘ohe onaona o ka pua Magnolia,
‘A‘ohe he moani ‘ala o ka Līlia,
He Kūpaoa wale nō ko ka Manauea,
‘A‘ole na‘e e loa‘a o Leilanohenohe.

He mōhāhā ‘ula maika‘i no ko Lili‘u,
No kona noho mau i ka malu pōliuliu,
Akā, ke pā ‘ē mai nei he leo kāhea,
‘A‘ole nō e loa‘a aku o Leilanohenohea.

He u‘i no ka wahine o Pihanakalani,
I ka ho‘opē ‘ia paha e ke kupukupu moani,
Ke ‘ī mai nei na‘e ka makani papuhea,
‘A‘ole nō e loa‘a aku o Leilanohenohea.

Ua holoholo au ma nā pu‘u uliuli,
Ua heluhelu nō ho‘i no ka wahine o Paliuli,
Ua ‘ike, ua lohe nō ho‘i i ka leo o ke Kiowea,
‘A‘ohe na‘e i loa‘a aku o Leilanohenoea.

Aia i Mokaulele he Pua Nani

From the Ke Au ‘Oko‘a newspaper, July 25, 1867

There is a beautiful flower at Mokaulele
The heavenly mist dampens it,
There isn’t the same thing under the shade of the ‘ākōlea,
That is better than Leilanohenohea

There is no fragrance to the Magnolia flower,
There is no waft of fragrance from the Lily,
The Manuea is the only one with a permeating fragrance,
However Leilanohenohea does not have it.

Lili‘u has a wonderful red glow about her,
Because she always sits in the dark shades,
However, an unusual call is being called,
Leilanohenohea will not have it.

Pihanakalani is indeed beautiful,
Perfumed by the wafting breeze of the kupukupu,
The Papuhea winds are saying,
Leilanohenoea will not have it.

I traveled over the dark hills,
I read about the Paliuli woman,
I saw, I heard the voice of the Kiowea,
However Leilanohenohea did not get it.

Kekahi ‘Ike Hou A‘e

Inoa Hawai‘i: Limu Manauea, Manauea

Inoa Kēpani: Ogo, Ogo Nori

Inoa ‘Epekema: Gracilaria spp.

Kona ‘ano: Ulu kēia limu he 4 a i 6 ‘īniha kona lō‘ihi. ‘Ākala a ‘ōma‘oma‘o ke kala o kēia limu. A nui nā lālā o luna o kēia limu. Ma muli o ka ‘ono loa o kēia limu, ua ‘ohi ‘ia ka nui o nā limu ma Hawai‘i nei. I kēia mau lā, ‘a‘ole nui ka limu e ulu ana ma ia mau wahi.

‘Ikepili Hoihoi: Ho‘ā‘o nā kānaka e ulu hou i ka limu manauea ma Hawai‘i nei, eia na‘e ke kanu ‘ia, ‘ako koke ‘ia e kekahi kanaka ‘ono i kēia limu a ‘a‘ole ola hou.

More Information

Hawaiian Name: Limu Manauea, Manauea

Japanese Name: Ogo, Ogo Nori

Scientific Name: Gracilaria spp.

Description: This limu grows between 4-6 inches tall. Sometimes it is pink and green. There are lots of branches at the top of this limu. Because this limu is so delicious, most of this limu in Hawai‘i are over harvested. Nowadays there is hardly any limu growing in these places.

Interesting Fact: There have been revitalization efforts in Hawai‘i, however once it is planted, it is immediately harvested by those who are hungry for limu manauea and it doesn’t grow anymore.